सडकमा चालकको निद हराम, ट्राफिक प्रहरीको स्वार्थलाई सलाम

भ्रष्टाचार ऐन मुनि अपराध: ट्राफिकको रात्री अवैध असुली खुलासा

सम्वादाता | २०८२ सावन २२ गते ०१: ५० मा प्रकाशित
तस्वीर: फाईल
प्रकाश तिवारी
बीरगञ्ज । जिल्ला ट्राफिक प्रहरी कार्यालय, पर्साको कर्तुत एकपछि अर्को बाहिर आउन थालेको छ । विविध सकारात्मक पहलका कारण चर्चा बटुलिरहेको बेला अवैध रकम उठाएको समाचार आए लगत्तै यस कार्यालयको एउटा अर्को गतिविधीले ट्राफिक कार्यालय अहिले पुनः आलोचनाको घेरामा परेको छ ।
सुख्खा बन्दरगाह तथा आईसिपीबाट नेपालका लागि आउने मालवाहक ट्रकहरुबाट अवैध असुली गरिरहेको ट्राफिक प्रहरीले अबेर राती भारतीय ट्रक चालकहरुलाई तर्साउने र पैसा असुल्ने धन्दाको पर्दाफास भएको छ ।
प्राप्त जानकारी अनुसार भन्सारबाट ढिंलो जांचपास भई निस्केका ट्रक चालकहरु सुरक्षा दृष्टिकोणले आईसिपी अगाडीको बाटोमा गाडी पार्क गरी रात बिताउने गर्दछन् । राती १० बजे पश्चात आईसिपीको गेट बन्द भई मालवाहक सवारीसाधनको आवागमन कम भएको बेला अन्तिम समयमा निस्कने कतिपय चालकहरु छेउमा रहेका होटेलहरुमा खाना खाने र सुरक्षाको दृष्टिकोणले रात त्यही बिताउने गर्दछन् । यही बेला त्यहां सुख्खा बन्दरगाह अगाडी ड्यूटीमा रहेका ट्राफिक प्रहरीहरुको आगमन हुन्छ । सुतिरहेका चालकलाई लठ्ठीले हिर्काएर, हप्काएर उठाउने र कागजात चेक गर्ने भनि कागजात माग गरिन्छ । कागजपत्र लिईसकेपछि चालकलाई त्यहांबाट आफ्नो गन्तव्य लाग्न निर्देशन दिईन्छ । राति बाटो अन्जान भएर जान कठिन भएकोले त्यहां रात बिताउन रुकेको बाध्यता बताउंदा ट्राफिक प्रहरीले तिनको कागजपत्र लिएर हिंड्ने गरेका छन् । कारण, रात पछि आफ्नो ड्यूटि परिवर्तन हुने र ट्राफिक बिट सम्म नपुगेका मालवाहक सवारीबाट पैसा उठाउन छुट्ने भनि आफ्नो “टारगेट” पुरा गर्नका लागि प्रहरीले त्यस्तो हर्कत गरेको एक स्थानीय बताउंछन् ।
आईसिपीबाट मालबस्तु लिएर गन्तव्य तर्फ जाने क्रममा सुख्खा बन्दरगाह अगाडी रहेको ट्राफिक बिटमा खटिएका प्रहरीले कागजात चेकजांचको बहानामा चालकहरुबाट अवैध रकम असुल गर्ने र असुल हुन छुटेकाहरुलाई “कागज चेकजाँच” को नाममा रातको समयमा चरन क्षेत्रबाट गोठमा नगएका बाख्राझैँ हाकेर लग्ने जस्तो व्यवहार गरिरहेको देखिन्छ । 
होटेलमा खाना खाएर आराम गरिरहेका चालकहरुलाई आफ्नो स्वार्थका लागि अनावश्यक दुख दिने कुरा मानविय दृष्टिले समेत सही ठहर्दैन । ट्राफिकको यसखाले हर्कतले स्थानीय होटेल व्यवसायीलाई समेत नोक्सानी हुनेगरेको आईसीपी अगाडी रहेका कैयौ होटेलहरु गुनासो गर्दछन् । रातको समयमा आउने चालकहरुबाट आम्दानि हुने भनि खाजा–खानाको व्यवसाय गरी बसेका होटेल कारोबारीहरुले ट्राफिक प्रहरीको ज्यादती देखेर पनि आफुहरु चुप लाग्नुपर्ने बाध्यता रहेको बताउंछन् । राती आराम गरिरहेका चालकहरुसंग गाडी लगायत भन्सारका कागजात लिएर दुख दिने कार्य निन्दनिय रहेको उनिहरुको गुनासो छ ।
यसबारे जानकारी भएपनि ट्राफिक प्रमुख लोकराज भट्टले यसबारे निराशाजनक जवाफ दिन्छन् । जिल्लाको जिम्मेवार पदमा रहेको व्यक्तिले आफ्नो मातहतका कर्मचारीका कारण संगठन नै बद्नाम हुनेगरी भईरहेको कृयाकलापलाई निरुत्साहित गर्नुको सट्टा “हेरौं र बसौं” जस्तो कार्यले उनिमाथि समेत शंका उत्पन्न हुन्छ । यसले आफू मातहतका कर्मचारीका कार्यप्रति उदासीनता देखाउँछ र नेतृत्व क्षमतामाथि प्रश्न उठाउँछ ।
नेपालको भ्रष्टाचार निवारण ऐन २०५९ अन्तर्गत धारा ३(१) अनुसार, सार्वजनिक पदमा बसेका कर्मचारीले गैरकानुनी लाभ लिएको पाइएमा उनीहरूलाई पदबाट हटाउने, जरिवाना र कैद सजाय गर्न सकिने कानुनी प्रावधान छ ।
 
सार्वजनिक सेवा प्रदायक निकायका रुपमा रहेको ट्राफिक प्रहरीप्रति जनआस्था घट्दै गइरहेको अवस्थामा यस्ता गतिविधि निरुत्साहित गर्नु सरोकारवालाको जिम्मेवारी हो । अन्यथा, कानून र न्यायको नाममा हुने यस्तो अवैध ‘रातको व्यापार’ विस्तारै संस्थागत भ्रष्टाचारमा परिणत हुने खतरा छ । 

प्रतिक्रिया दिनुहोस्

सम्बन्धित समाचार

सडकमा चालकको निद हराम, ट्राफिक प्रहरीको स्वार्थलाई सलाम

“कागज चेकजाँच” को नाममा रातको समयमा चरन क्षेत्रबाट गोठमा नगएका बाख्राझैँ हाकेर लग्ने जस्तो व्यवहार गरिरहेको देखिन्छ ।

मजदुरको बैंक खातामा १०,०१,३५,६०,००,००,००,५०,०१,००,२३,५६,००,००,००,२८,८८४ रूपैयाँ !

वीरगञ्जमा "एक घर, एक बिरुवा" अभियान अन्तर्गत निशुल्क फलफूलका बिरुवा वितरण

सडकभन्दा खतरनाक ट्राफिक बिटः ट्रक चालकहरूमाथि ‘नजराना’को दबाब

आईसिपीबाट भारु. १० हजार लिएर हेटौंडा गएका एक ट्रक चालकसंग फर्किंदा चिया खाने पैसा थिएन ।

सशस्त्र प्रहरीद्वारा मानवसेवा आश्रममा अवलोकन तथा सेवा सहभागिता

एनआई कलेजमा विज्ञान प्रविधि प्रदर्शनी सम्पन्न

प्रदर्शनीमा विद्यार्थीहरूले तयार पारेका हवाईजहाज, ड्रोन, रोबोट, सौर्य ऊर्जा प्रणाली, स्वचालित माटो परीक्षण यन्त्र, वायुप्रदूषण मापन यन्त्र, हरितगृह प्रविधि र कृषि उपकरणहरू विशेष आकर्षण बने।
ट्रेन्डिङ

बजार