काठमाडौं – राष्ट्रिय परीक्षा बोर्डले कक्षा १२ को परीक्षाको नतिजा सार्वजनिक गर्ने तयारी गरेको छ।मंगलबार साँझसम्म नतिजा प्रकाश गर्ने तयारी बोर्डले गरेको हो।

साँझसम्म कक्षा १२ को नतिजा सार्वजनिक गर्ने गरी तयारी भएको बोर्डका एक सदस्यले जानकारी दिए।नतिजा सार्वजनिक गर्न बोर्डले दिउँसो साढे तीनबजे बोर्ड बैठक बोलाएको छ।बोर्डका प्रवक्ता जंगबहादुर अर्यालले कक्षा १२ को नतिजा प्रकाशन गर्ने उद्देश्यले बैठक बोलाइएको बताए।

‘बोर्डको बैठक बोलाइएको हो। दुई तीन दिनदेखि बैठक भइरहेको छ,’ अर्यालले भने,‘आज नतिजा आउने सम्भावना छ।’
गत जेठ २६ गते कक्षा १२ को परीक्षा सम्पन्न भएको थियो।कक्षा १२ को परीक्षामा देशभरबाट ४ लाख १० हजारको हाराहारीमा विद्यार्थी सहभागी भएका थिए।