काठमाडौं । हमास नियन्त्रित मिडिया कार्यालयले गाजामा खाना बोकेको ट्रक भीडमाथि पल्टँदा २० प्यालेस्टिनीको मृत्यु भएको जनाएको छ।

यस दुर्घटनामा दर्जनौं व्यक्ति घाइते भएको बताइएको छ। हमासद्वारा सञ्चालित नागरिक रक्षा एजेन्सीका प्रवक्ता महमूद बसलले समाचार एजेन्सी एएफपीलाई बताएअनुसार मध्य गाजा पट्टीको शरणार्थी शिविर नजिकै मध्यरातमा घटना भएको हो।

इजरायली सेनाले एएफपीलाई रिपोर्टहरूको अनुसन्धान गरिरहेको बताएको छ।

बीबीसीले गाजामा राहत सामग्रीको प्रवेशको निगरानी गर्ने इजरायली सैन्य एकाइ, सीओजीएटी (क्षेत्रहरूमा सरकारी गतिविधिहरूको संयोजक) बाट पनि यस विषयमा टिप्पणी खोजेको छ।

संयुक्त राष्ट्रसंघको तथ्याङ्क अनुसार मे महिनाको अन्त्यदेखि यता खानाको खोजीमा १,३०० भन्दा बढी प्यालेस्टिनीहरूको मृत्यु भइसकेको छ।